पाँच जना एसएसपीहरूलाई डीआईजीमा बढुवा गर्न सिफारिस

काठमाडौँ- नेपाल प्रहरीका पाँच जना एसएसपीहरूलाई डीआईजीमा बढुवा गर्न सिफारिस गरिएको छ।

गृह मन्त्रालयअन्तर्गतको बढुवा सिफारिस समितिले एसएसपीहरु ईश्वर कार्की, राजेन्द्रप्रसाद भट्ट, दिनेशकुमार आचार्य, अरुण पौडेल र गोविन्द थपलियालाई डीआईजीमा बढुवा गर्न सिफारिस गरेको हो।

कार्की प्रहरी प्रधान कार्यालय अन्वेषण योजना तथा विकास निर्देशनालय नक्साल, भट्ट कर्णाली प्रदेश प्रहरी तालिम केन्द्र सुर्खेत, आचार्य लागुऔषध नियन्त्रण ब्युरो काठमाडौँ, पौडेल अख्तियार दुरुपयोग अनुसन्धान आयोग प्रहरी महाशाखा टंगाल, थपलिया प्रहरी प्रधान कार्यालय मानवस्रोत विकास विभाग वृत्ति विकास महाशाखा नक्सालमा कार्यरत छन्।