हिमाल प्रेस 
काठमाडौँ- आगामी मंसिर ७ देखि प्रदर्शन हुने फिल्म ‘अग्निदहन’ को ट्रेलर सार्वजनिक भएको छ। फिल्म साहित्यकार तथा पत्रकार लोकमणि पौडेलको उपन्यासमा आधारित छ।
दुई मिनेट ३८ सेकेन्डको टिजरमा बोक्सीको आरोप लगाउँदै एक महिलालाई गाउँलेले यातना दिइरहेको र उनको मानसिक सन्तुलन गुमेको अवस्थालाई देखाइएको छ। साथै उनै अधवैंशे महिलाको क्रियाकलापबाट एक बालिका त्रसित भएको दृश्य पनि
समेटिएको छ। फिल्मका निर्देशक घनश्याम लामिछाने हुन्।
फिल्ममा प्रकाश घिमिरे, प्रमिला तुलाचन, माओत्से गुरुङ, अनुपमा भण्डारी, तुलसी क्षेत्री, विष्णु वास्तोला र ताराबहादुर गुरुङको अभिनय छ। लोकमणी पौडेलको कथा र संवाद लेखन रहेकाे फिल्ममा परिच्छेद सेनको पटकथा, कोविदशरण उपाध्यायको परिकल्पना, दीर्घ गुरुङको छायांकन, दीर्घ खड्काको सम्पादनमा बनेको हाे।
यस्ताे छ ट्रेलर
प्रकाशित: २२ कार्तिक २०८१ १७:०९
प्रतिक्रिया
