खुलेको मौसम [तस्बिरहरू]

काठमाडौँ- ‘हाल नेपालमा पश्चिमी वायुको आंशिक प्रभावको रहेको छ’, जल तथा मौसम विज्ञान विभागअन्तर्गतको मौसम पूर्वानुमान महाशाखाको बुटेलिनमा दोहोरिरहने वाक्य हो। यसैगरी मौसम बुलेटिनमा ‘देशको पहाडी भूभागमा आंशिक बदली रही बाँकी भूभागमा मौसम मुख्यतया सफा रहेको छ’ वाक्य सधैँजसो पढ्न पाइन्छ। विगतमा माघेझरी पर्थ्यो।

झरीले जाडो बढाए पनि किसान खुसी हुन्थे। खेती किसानीको चटारो हुन्थ्यो। यसपालि त माघे झरी परेन। पानी नपर्दा पहाडी क्षेत्रमा किसानहरू चिन्तामा रहेको खबर देशका विभिन्न ठाउँबाट आइरहेका छन्। अधिकांश ठाउँमा मौमस खुलेको छ।

मौसमविद् रोजन लामिछानेका अनुसार सधैँ एकै प्रकारको मौसमी प्रणाली हुँदैन। उनले भने, ‘यसपटक पश्चितिरबाट आएको वायु प्रणाली हल्का मात्रै रहेकाले माघमा झरी पर्न सकेन।’ अझै केही दिन पानी पर्ने सम्भावना नरहेको उनी बताउँछन्। उनले भने, ‘हल्का वायु प्रणालीले उच्च पहाडी भेगका केही स्थानमा हिमपात भयो तर पानी पर्न भने सकेन।’

सबै तस्बिर : रासस