हिमाल प्रेस 
काठमाडौँ- नेपाल इन्भेस्टमेन्ट मेगा बैंक लिमिटेडले बिहीबारदेखि ललितपुरमा दुई वटा नयाँ शाखा विस्तार गरेको छ। बैंकले ललितपुर महानगरपालिका-१५ मा सातदोबाटो शाखा र ललितपुर महानगरपालिका-२५ मा भैँसेपाटी शाखा सञ्चालनमा ल्याएकोे हो। नयाँ शाखाबाट बिहीबारदेखि नै सम्पूर्ण बैंकिङ सेवा सुरु भएको छ।
नयाँ शाखाका उद्घाटन बैंकका प्रमुख कार्यकारी अधिकृत ज्योतिप्रकाश पाण्डेले गरेका थिए। उनले पाण्डेले नयाँ शाखाबाट ग्राहक महानुभावलाई गुणस्तरीय बैंकिङ सेवासुविधा दिने बताए।
बैंकले हाल देशभरिमा २६६ शाखा, ६३ वटा एक्सटेन्सन काउन्टर, ११३ वटा शाखारहित बैंकिङ र २५७ वटा एटीएममार्फत सेवा प्रदान गरिरहेको छ।
प्रकाशित: ११ माघ २०८० १३:०४
प्रतिक्रिया
