आरती साह मृत्यु प्रकरण : श्रीमान्‌लाई पुर्पक्षका लागि थुनामा पठाउन आदेश

हिमाल प्रेस २० मंसिर २०८० २१:०४
16
SHARES
आरती साह मृत्यु प्रकरण : श्रीमान्‌लाई पुर्पक्षका लागि थुनामा पठाउन आदेश

काठमाडौँ- सर्वोच्च अदालतले जनकपुरधामकी आरती साह मृत्यु प्रकरणमा श्रीमान् मोतीबाबु साहलाई पुर्पक्षका लागि थुनामा पठाउन आदेश गरेको छ। न्यायाधीशद्वय नहकुल सुवेदी र तिलप्रसाद श्रेष्ठको इजलासले आज (बुधबार) साहलाई थुनामा पठाउने आदेश गरेको हो।

आफ्नै घर जनकपुरधाम उपमहानगरपालिका-९, थापाचोकमा गत जेठ ७ गते मृत अवस्थामा फेला परेकी आरतीको हत्या भएको उल्लेख गर्दै माइती पक्षले जाहेरी दिएपछि प्रहरीले आरतीका पति मोतीबाबु साह र ससुरा मदनमोहन ब्याहुत सुडीलाई पक्राउ गरी अनुसन्धान गरेको थियो।

उनीहरूविरुद्ध जिल्ला सरकारी वकिल कार्यालय धनुषाले गत असार १ गते जिल्ला अदालत धनुषामा ज्यानसम्बन्धी मुद्दा दायर गरेको थियो। अदालतले थुनछेक बहसपछि गत असार ५ गते आरतीका पति र ससुरालाई पुर्पक्षका लागि थुनामा पठाउने आदेश दिएको थियो। तर उच्च अदालत जनकपुरधामले तत्काल प्राप्त प्रमाणका आधारमा आरतीका पति र ससुरालाई थुनामा राख्न आवश्यक नदेखिएको भन्दै रिहा गर्ने आदेश दिएको थियो। सोहीविरुद्ध उक्त विवाद सर्वोच्च अदालतमा आएको थियो।

आरती र मोतीबाबुबीच २०७७ असार २९ गते विवाह भएको थियो। दाइजोको निहुँमा पति र ससुराबाट आरतीले धेरै यातना दिएर मृत्युको भएको माइती पक्षको आरोप छ। -रासस

प्रकाशित: २० मंसिर २०८० २१:०४

प्रतिक्रिया

Leave a Reply

Your email address will not be published. Required fields are marked *

eighteen − 15 =