ठमेलमा सीसी क्यामरा जडान सुरु

काठमाडौँ- प्रमुख पर्यटकीय गन्तव्य ठमेलमा सीसी क्यामरा जडान सुरु गरिएको छ। ठमेल पर्यटन विकास परिषद्को पहल तथा काठमाडौँ महानगरपालिका र काठमाडौँ उपत्यका प्रहरी कार्यालय रानीपोखरीको सहयोगमा सीसी क्यामरा जडान सुरु गरिएको हो।

परिषद्का अध्यक्ष भविश्वर शर्माले ठमेल क्षेत्रको शान्ति सुरक्षा बलियो बनाई यस क्षेत्रलाई सफा, सुन्दर, सुरक्षित र व्यवस्थित बनाउनका लागि सीसी क्यामरा जडान सुरु गरिएको बताए।