साँफे-मार्तडी सडक अवरुद्ध

बाजुरा- शनिबारदेखिको वर्षाका कारण साँफे-मार्तडी सडक अवरुद्ध भएको छ। अम्कोटमा पहिरो गएपछि सडक अवरुद्ध बनेको हो। सदरमुकाम मार्तडी जोड्ने सडक गएरातिदेखि अवरुद्ध भएको जिल्ला प्रहरी कार्यालयका प्रहरी निरीक्षक दानसिंह भण्डारीले जानकारी दिए।

अम्कोटमा पहिरो लगातार बग्न थालेकाले पन्छाउन सम्भव नभएको उनले बताए। लगातार वर्षा भइरहेकाले पहिरो पन्छाउने काममा अवरोध भएको छ। वर्षा रोकिएपछि पहिरो हटाएर सडक नियमितरूपमा सञ्चालन गर्न पहल गरिने प्रहरी निरीक्षक भण्डारीले बताए।

पहिरोका कारण लामो तथा छोटो दूरीका सवारीसाधन बाटोमै रोकिएका छन्।