नेपालगन्जमा ‘फोटो फेस्टिवल’

बाँके- नेपालगन्जमा ‘फोटो फेस्टिवल’को तेस्रो संस्करण आज (शुक्रबार) देखि सुरु भएको छ। अन्तरालको आयोजनामा होटल बाटिकामा गरिएको उक्त फोटो प्रदर्शनीमा ‘देशभरबाट प्राप्त भएका मध्ये उत्कृष्ट फोटो छनोट गरी राखिएका छन्।

फोटो पत्रकार विकास कार्कीका अनुसार आजै विधागतरूपमा उत्कृष्ट फोटो र वर्ष फोटो घोषणा गरिनेछ। कार्कीको नेतृत्वमा फोटो पत्रकार क्लबकी अध्यक्ष श्रुति श्रेष्ठ र वरिष्ठ फोटोग्राफर रमेश मल्ल सदस्य रहेको निर्णायक मण्डलले प्रदर्शनीका लागि फोटो छनोट गरेको हो।

विभिन्न ९ विधाका उत्कृष्ट फोटो तथा एउटा सर्वोत्कृष्ट फोटो छनोट गरी ती फोटो कैद गर्नेलाई नगद पुरस्कार प्रदान गरिने अन्तरालका प्रमुख जयनारायण शाहले बताए।

बाँकेको विविध पक्ष झल्कने गरी नेपालगन्ज ग्यालरीसँगको सहकार्यमा फोटो प्रदर्शनी गरिएको हो। फेस्टिवलका क्रममा फोटोग्राफी कार्यशाला, अन्तक्रिया र फोटोग्राफी टूरको समेत आयोजना गरिएको छ।