हिमाल प्रेस 
काठमाडौँ– चालु आर्थिक वर्ष २०७९/८० को ८ महिनामा करिब ८ खर्ब रुपैयाँ रेमिट्यान्स भित्रिएको छ।
नेपाल राष्ट्र बैंकले मंगलबार सार्वजनिक गरेको वित्तीय तथ्यांकअनुसार चालु आवको साउनदेखि फागुनसम्म ७ खर्ब ९४ अर्ब ३२ करोड रेमिट्यान्स भित्रिएको हो। यो रकम गत आर्थिक वर्षको ८ महिनाको तुलनामा २५.३ प्रतिशतले बढी हो। गत आवमा रेमिट्यान्स आप्रवाह १.३ प्रतिशतले घटेको थियो।
चालु आवको फागुनसम्म संस्थागत र व्यक्तिगत गरी नयाँ श्रम स्वीकृति लिने नेपालीको संख्या ३ लाख ५१ हजार ७६१ पुगेको छ। यो संख्या गत आवको सोही अवधिको तुलनामा ५४.३ प्रतिशतले बढी हो।
त्यसैगरी वैदेशिक रोजगारीका लागि पुनः श्रम स्वीकृति लिनेको संख्या ८ प्रतिशतले बढ्दै १ लाख ९२ हजार ५५९ पुगेको राष्ट्र बैंकले जनाएको छ।
प्रकाशित: २८ चैत २०७९ १५:०३
प्रतिक्रिया
