बेवारिसे भेटियो चामल र युरिया मल

कपिलवस्तु- कपिलवस्तुको यशोधरा गाउँपालिका- ७ नुनुवामा चामल र युरिया मल बेवारिसे अवस्थामा भेटिएको छ। मंगलबार सशस्त्र प्रहरीले बेवारिसे अवस्थामा भेटिएको ५२ क्विन्टल चामल र साढे ३ क्विन्टल युरिया मल बरामद गरेको हो।

भारतबाट अवैध रूपले नेपाल ल्याएर बेवारिसे अवस्थामा राखेको भेटिएको सशस्त्र प्रहरीले जानकारी दिएको छ। बरामद गरिएको चामल तथा मल सुठौली भन्सार कार्यालय कपिलवस्तुमा बुझाइएको सशस्त्र प्रहरीका प्रहरी नायब उपरीषक शैलेन्द्र थापाले जानकारी दिए।