हिमाल प्रेस 
निर्वाचन आयोग
इटहरी– सुनसरी ४ मा शनिबारदेखि स्थगित भएको मतगणना सुरु गर्न निर्वाचन आयोगले निर्देशन दिएको छ।
निर्वाचन आयोगले सुनसरी ४ को मतगणना अगाडि बढाउन निर्देशन गरेको हो। कांग्रेसबाट उम्मेदवार बनेका सञ्चारमन्त्री समेत रहेका ज्ञानेन्द्रबहादुर कार्कीले ६०६ मत गडबड भएपछि पुनःमतगणनाको माग गर्दै आयोगमा निवेदन दिएका थिए।
तर आयोगले पुनःमतगणना नभइ अहिलेसम्म गणना भएको बाहेक बाँकी मत गणना गर्न निर्देशन दिएको बताइएको छ।
हालसम्म ६० हजार बढी मतगणना हुँदा कार्कीले ९८ मतले अग्रता गरेका छन्। यहाँ उनै कार्की र नेकपा एमालेका जगदीश कुसियतबीच प्रतिस्पर्धा भएको छ।
मंगलबार (भोलि) बिहान ७ बजे सर्वदलीय बैठकपछि मतगणना सुरु हुने बताइएको छ।
प्रकाशित: १२ मंसिर २०७९ १९:४५
प्रतिक्रिया
