आजको मौसम : तराईका अधिकांश भूभागमा हुस्सु देखिने

काठमाडौँ- सुदूरपश्चिम र लुम्बिनी प्रदेशका तराई भूभागमा हुस्सु लाग्ने मौसम विभागको अनुमान छ।

आज दिउँसो देशका हिमाली भू-भागमा आंशिक बदली रही देशका अन्य भू-भागमा मौसम सामान्यतया सफा रहनेछ।

आज राति प्रदेश १ र गण्डकी प्रदेशको हिमाली भूभागका एक/दुई स्थानमा र सुदूरपश्चिम प्रदेशका थोरै भूभागमा आंशिक बदली रही देशका अन्य भूभागमा मौसम सामान्यतया सफा रहनेछ।