टिसिएलको ‘फुटबल हंगामा’ योजना

काठमाडौँ– एन्ड्रोइड टीभी ब्राण्ड टिसिएलले फिफा वल्र्डकपलाई लक्षित गरेर ‘फुटबल हंगामा’ योजना सार्वजनिक गरेको छ। यस योजनाअन्तर्गत ग्राहकले टिसिएल टेलिभिजनको खरिद गर्दा नगद छुट र निःशुल्क टिसर्ट प्राप्त गर्न सक्ने कम्पनीले जनाएको छ।

टिसिएलका कुनै पनि होम इन्टरटेन्मेन्ट र होम एप्लाइन्सको खरिद गर्दा एक जना ग्राहकले बम्पर उपहारमा ६५ इन्चको फोरके टेलिभिजन जित्न सक्नेछन्। ग्राहकले आफूलाई बम्पर उपहारमा सहभागी गराउन टिसिएल टाइप गरी आफ्नो नाम र खरिद गरिएको सामानको वारेन्टी कार्ड नम्बर लेखी ३१००३ मा एसएमएस गर्नुपर्नेछ।

यसका साथै कम्पनीले निःशुल्क डेलिभरी, निःशुल्क इन्स्टलेशन एन्ड डेमो, एक्सचेन्ज अफर र शून्य प्रतिशतमा फाइनान्स सुविधा पनि प्रदान गरेको छ। टिसिएल ब्राजिलियन राष्ट्रिय फुटबल टोलीको आधिकारिक विश्वव्यापी प्रायोजक पनि हो। नेपालमा टिसिएल ब्राण्डको आधिकारिक विक्रेता चौधरी ग्रुपको सिजी इलेक्ट्रोनिक्सअन्तर्गत सिजी ईओएल हो।