हिमाल प्रेस 
काठमाडौँ- काठमाडौँ महानगरले आफ्ना वडा अध्यक्षको निधन भएपछि शुक्रबार शोक बिदा दिने भएको छ। काठमाडौँ महानगरपालिका-१६ का वडाध्यक्ष मुकुन्द रिजालको बिहीबार बिहान निधन भएको हो।
उनको निधनमा शुक्रबार महानगरअन्तर्गतका कार्यालयहरूमा शोक बिदा दिइएको महानगरका प्रवक्ता नवीन मानन्धरले जानकारी दिए। फोक्सोमा निमोनिया देखिएपछि उपचाररत रिजालको बिहीबार बिहान ग्रान्डी अन्तर्राष्ट्रिय अस्पतालमा निधन भएको थियो।
पछिल्लो समय उनलाई डेंगीको पनि संक्रमण देखिएको थियो। उनी कांग्रेस काठमाडौं क्षेत्र नम्बर ७ सभापति र महानगर वडा नम्बर १६ अध्यक्षमा दुई पटक निर्वाचित भएका थिए।
प्रकाशित: २१ भदौ २०८० १५:२३
प्रतिक्रिया
