हिमाल प्रेस 
काठमाडौँ- आईएनजी स्किल एकेडेमीको ‘फ्युचरामा’ कार्यक्रम सम्पन्न भएको छ। एकेडेमीले हेटौँडा र वीरगञ्जमा कार्यक्रम गरेको हो। प्राविधिक कार्यक्रममा फ्यूचरिस्टिक टेक्नोलोजीमा अत्याधुनिक र उत्कृष्ट प्रदर्शनलगायत कार्यक्रम गरिएको एकेडेमीले जानकारी दिएको छ।
एकेडेमीले आईटीको नयाँ पुस्तालाई भविष्यको प्रविधि तथा विकसित आईटी परिदृश्यमा अनुभवहरू, कार्यशालाहरू र अन्तरदृष्टिहरू प्रदान गरेर नवीनतम प्रविधिमा परिचय गराउने उद्देश्यले कार्यक्रम गरेको हो।
कार्यक्रमले एआई र रोबोटिक्स, हिड्ने पियानो, ड्रोन, र गो कार्टमा प्रदर्शनीसहित नवीनतम र उत्कृष्ट प्रविधि प्रदर्शन गरेको थियो। यसमा ३० औँ शताब्दीको कार रेस, लाइन फलोइङ रोबोट, एनिमेसनलगायत मनोरञ्जनात्मक नयाँ प्रविधि पनि कार्यक्रममा प्रदर्शन गरिएको थियो।
वीरगञ्जमा गरिएको कार्यक्रमले सहभागीहरूलाई स्थानीय नर्सरीबाट प्राप्त साइटमा बिरुवाहरू साझा गरेर खेती गर्न प्रोत्साहित गरेको बताइएको छ। वीरगञ्जमा १५ सयभन्दा बढीको सहभागिता रहेको एकेडेमीले बताएको छ।
