हिमाल प्रेस 
काठमाडौँ- नेकपा एमाले उपाध्यक्ष सुवासचन्द्र नेम्वाङले संसद् अवरोध नियमसंगत नरहेको बताएका छन्।
धुलिखेलमा आयोजित एक कार्यक्रममा नेम्वाङले संविधान बनाउँदा नै संसद् अवरोध नगर्नेबारे गम्भीर छलफल भएको स्मरण गरे ।
उनले भने, ‘संसद् अवरोध नियम संगत हैन। संविधान र नियमसंगत हैन। राजनीतिक दलले अवरोध गर्छन्।’
भारतमा आँखा झिम्काउनेदेखि फ्लाइङ किससम्मको विवाद हुने गरेको भन्दै नेम्वाङले भने, ‘हाम्रोमा पनि अवरोध हुने कुरा छ । संविधान निर्माणताका अवरोध नगरौँ भनेर छलफल गराएको हो। त्यतिबेला संविधानसभा अवरोध नहुने, व्यवस्थापिकामा चाहिँ अवरोध हुन्थ्यो।’
प्रकाशित: २ भदौ २०८० १४:४१
प्रतिक्रिया
