हिमाल प्रेस 
काठमाडौँ– जापानबाट फर्केका श्रमिकको क्षमता अभिवृद्धिका लागि जापान अन्तर्राष्ट्रिय सहयोग नियोग (जाइका)ले सघाउने भएको छ।
यस विषयमा जाइका र नेपाल सरकारबीच बिहीबार समझदारी भएको हो। समझदारीअनुसार जापानबाट फर्केका नेपाली श्रमिकलाई स्वदेशमै उद्यमी बन्न र उनीहरूको क्षमता विकासका लागि जाइकाले प्राविधिक तथा आर्थिक सहयोग गर्नेछ।
श्रमिकको पहिचान, उनीहरूको छनोट र अन्य विषयको व्यवस्थापन श्रम तथा रोजगार मन्त्रालयले गर्ने भएको छ। पाँच वर्ष चल्ने परियोजना सन् २०२७ सम्म जारी रहनेछ।
प्रकाशित: १५ मंसिर २०७९ १८:३५
प्रतिक्रिया
