हिमाल प्रेस 
पोखरा- गण्डकी प्रदेशसभा सदस्यमा नेपाली कांग्रेसका विन्दुकुमार थापा विजयी भएका छन्। उनको यो दोस्रो कार्यकाल हो। कास्की क्षेत्र २ (ख)बाट निर्वाचित उनले एमालेकी मीना गुरुङलाई १ हजार ३ सय १० मतान्तरले पराजित गरेका हुन्।
थापाले ९ हजार २ सय ७९ र गुरुङले ७ हजार ९ सय ७९ मत प्राप्त गरे। तेस्रो स्थानमा रहेका राप्रपाका अरुण गिरीले ३ हजार ९ सय २ मत प्राप्त गरे।
कास्की क्षेत्र १ (क) मा भने एमालेक भीमबहादुर कार्की निर्वाचित भएका छन्। क्षेत्र २ कै प्रतिनिधिसभा सदस्यमा एमालेकी विद्या भट्टराई निर्वाचित भइन्। २०७४ सालको आमनिर्वाचनमा पनि बिन्दु थापाले कास्कीमा कांग्रेसबाट एकमात्र जित निकालेका हुन्। उनी गण्डकीका सञ्चारमन्त्री समेत हुन्।
प्रकाशित: ८ मंसिर २०७९ ९:१५
प्रतिक्रिया
