नेप्से परिसूचक ११ अंकले घट्यो, कारोबार रकम ४ अर्ब माथि

हिमाल प्रेस २ मंसिर २०८३ १७:३० | Wednesday, November 18, 2026
नेप्से परिसूचक ११ अंकले घट्यो, कारोबार रकम ४ अर्ब माथि

काठमाडौँ- धितोपत्र बजारमा सेयर कारोबार मापक नेप्से परिसूचक आज दोहोरो अंकले घटेको छ। नेपाल स्टक एक्सचेञ्जका अनुसार नेप्से परिसूचक ११ दशमलव ०५ अंकले घटेर दुई हजार ६२५ दशमलव ०५मा पुगेको छ।

ठूला कम्पनीको कारोबार मापन गर्ने सेन्सेटिभ परिसूचक एक दशमलव ०६ अंकले घटेर ४७६ दशमलव १५ मा पुगेको छ। फ्लोट सूचक शून्य दशमलव ५६ अंकले घटेर १८२ दशमलव २० मा पुगेको छ।

सेन्सेटिभ फ्लोट सूचक शून्य दशमलव ३४ अंकले घटेर १६१ दशमलव ४२मा पुगेको छ। आज विभिन्न कम्पनीका एक करोड एक लाख ६२ हजार ६०५ कित्ता सेयर रु चार अर्ब १५ करोड ४९ लाख २५ हजार १०७ मूल्यमा खरिद बिक्री भएको छ।

१३ उपसमूहमध्ये ११ उपसमूह घट्यो भने दुई उपसमूह बढेको छ। ६९ कम्पनीको सेयर बढ्यो भने २०० कम्पनीको सेयर घटेको छ। त्यसैगरी १० कम्पनीको सेयर स्थिर रह्यो।

नेप्सेका अनुसार आज सानिमा लार्ज क्याप फण्ड, कुमारी सवल योजना र लिवर्टी इनर्जी कम्पनीलगायतका लगानीकर्ताले आम्दानी गरेका छन्।

त्यसैगरी एभरेष्ट कलर, सयपत्री हाइड्रोपावर र सेन्ट्रल फाइनान्सलगायतका लगानीकर्ताले गुमाएका छन्।

प्रकाशित: २ मंसिर २०८३ १७:३० | Wednesday, November 18, 2026

प्रतिक्रिया

Leave a Reply

Your email address will not be published. Required fields are marked *

20 + 5 =


© Nepali horoscope

© Gold Price Nepal

© Nepal Exchange Rates
© Nepal weather forecast