हिमाल प्रेस 
काठमाडौँ- राष्ट्रियसभा सदस्य रञ्जीत कर्णले नेपाली कांग्रेसको उपसभापति (समावेशी) मा उम्मेदवारी दर्ता गराएका छन्।
कांग्रेसको जारी १५ औँ महाधिवेशनअन्तर्गत मंगलबार राष्ट्रियसभा गृह पुगेर कर्णले उपसभापतिमा उम्मेदवारी दर्ता गराएका हुन्।
यसअघि उनले महामन्त्री पदमा उम्मेदवारी दिने घोषणा गरेका थिए। सोमबार पत्रकार सम्मेलन गरेर कर्णले महामन्त्री पदमा उम्मेदवारी दिने बताएका थिए।
संविधानसभा सदस्यसमेत रहेका कर्ण नेपाल विद्यार्थी संघ (नेविसंघ) का पूर्वकेन्द्रीय अध्यक्ष पनि हुन्।
प्रकाशित: २० असोज २०८३ १९:४२ | Tuesday, October 6, 2026
प्रतिक्रिया
