तीन दिनसम्म वर्षाको सम्भावना

काठमाडौँ- मनसुन बाहिरिएको ठानेर दंग परेका राजधानीका बासिन्दा अचानक वर्षा भए पछि चिन्तित भएका छन्।

जल तथा मौसम विज्ञान विभागले तीन दिनसम्म वर्षाको सम्भावना रहेको जनाएको हो। यद्यपि लगातार झरी नपर्ने विभागको भनाइ छ।

आगामी तीन दिनसम्म देशका केही स्थानमा वर्षा हुने सम्भावना रहेको तर लामो समयसम्म लगातार झरी नपर्ने मौसमविद् विनु महर्जनले बताएका छन्।

कर्णाली र सुदूरपश्चिम प्रदेशका सबै भाग तथा गण्डकी र लुम्बिनी प्रदेशका पश्चिमी भागमा पश्चिमी वायुको प्रभाव कायम छ।

कोशी, मधेश र बागमती प्रदेशका सबै भू–भाग तथा गण्डकी र लुम्बिनी प्रदेशका बाँकी भू–भागमा मनसुनी वायुका साथै पश्चिमी वायुको आंशिक प्रभाव रहेको विभागले बताएको छ।