हिमाल प्रेस 
काठमाडौँ- नेपाली बजारमा एक सातायता निरन्तर सुनको मूल्य ओरालो लागेको छ । सोमबाररको तुलनामा मंगलबार छापावाल सुनको मूल्य प्रतितोला ५०० रुपैयाँले घटेको नेपाल सुनचाँदी व्यवसायी महासंघले जनाएको छ।
योसँगै मंगलबार छापावाल सुनको मूल्य ३ लाख ६ हजार १०० रुपैयाँ कायम भएको छ । सोमबार छापावाल सुनको मूल्य प्रतितोला २ हजार ४०० रुपैयाँले घटेर ३ लाख ६ हजार ६०० रुपैयाँमा झरेको थियो।
आइतबार ९ हजार ५०० रुपैयाँले घटेर सुनको मूल्य ३ लाख ९ हजार रुपैयाँ थियो । गत मंगलबारदेखि सुनको मूल्य निरन्तर ओरालो लागिरहेको छ ।
प्रकाशित: १६ भदौ २०८३ ११:३६ | Tuesday, September 1, 2026
प्रतिक्रिया
