हिमाल प्रेस 
काठमाडौँ– प्रधानमन्त्री वालेन्द्र शाहका राजनीतिक सल्लाहकार असिम शाहको संयोजकत्वमा गठित ‘संविधान संशोधन बहसपत्र’ तयारी कार्यदलले पूर्वप्रधानमन्त्रीहरू पुष्पकमल दाहाल ‘प्रचण्ड’, माधवकुमार नेपाल र झलनाथ खनालसँग छलफल गरेको छ।
सुझाव संकलनका क्रममा संयोजक शाहसहितको कार्यदलको टोली ललितपुरको मानभवनस्थित पुष्पकमल दाहालको निवास पुगेको थिए।
सोही निवासमा पूर्वप्रधानमन्त्रीत्रय दाहाल, नेपाल र खनालको उपस्थितिमा कार्यदलले सामूहिक छलफल गरेको हो।
कार्यदलले संविधान संशोधनबारे सुझाव संकलन गर्ने क्रममा केही दिनअघि पूर्वराष्ट्रपतिहरू डा.रामवरण यादव र विद्यादेवी भण्डारीसँग पनि छलफल गरेको थियो।
त्यस्तै कार्यदलले विभिन्न राजनीतिक दल तथा सरोकारवालाहरूसँग पनि छलफल गरेको छ।
प्रकाशित: २८ जेठ २०८३ १९:०३ | Thursday, June 11, 2026
प्रतिक्रिया
