पार्टी विभाजन हुँदैन, महाधिवेशनबारे नेताहरूसँग संवाद भइरहेको छ : सभापति थापा

चितवन- नेपाली कांग्रेसका सभापति गगनकुमार थापाले १५औँ महाधिवेशनका विषयमा पार्टीका नेताहरूसँग भेट्ने र संवाद गर्ने काम भइरहेको बताएका छन्। थापाले पार्टी कुनै हालतमा विभाजन नहुने पनि बताए।

मंगलबार चितवनमा पत्रकारहरूसँग कुराकानी गर्दै उनले पार्टी उपसभापति विश्वप्रकाश शर्माले नेताहरूसँग कुराकानी गरिरहेको जानकारी दिए।

संस्थापनइतर समूहका नेता पूर्णबहादुर खड्कालाई भेट नदिनुभएको हो? भन्ने प्रश्नमा उनले भने,‘पार्टीका नेतासँग भेट्ने, संवाद गर्ने काम आफू र अन्य साथीले गरिरहनुभएको छ।’

सभापति थापाले क्रियाशील सदस्यता अद्यावधिक गर्ने काम अन्तिम चरणमा पुगेको बताउँदै १४औँ महाधिवेशनको भन्दा धेरै क्रियाशील सदस्यता हुने दाबी गरे।