हिमाल प्रेस 
काठमाडौँ- सर्लाहीमा स्कुल बसको ठक्करबाट एक बालकको मृत्यु भएको छ। बिहीबार बिहान नौ बजेतिर बागमती नगरपालिका २ सानो डाबरीमा जिरायतबाट हरिवनतर्फ जाँदै गरेको ना।१ क ७३८२ नम्बरको सगुन शिक्षा आवासीय विद्यालयको बसले ठक्कर दिँदा बालकको घटनास्थलमै मृत्यु भएको प्रहरीले जनाएको छ।
मृत्यु हुनेमा स्थानीय श्याम गोलेका छोरा २ वर्षीय यनस गोले छन्। बसले ठक्कर दिँदा बालकको घटनास्थलमै मृत्यु भएको र शव अहिलेसम्म घटना स्थलमै रहेको प्रहरीले जनाएको छ।
दुर्घटनापछि बस चालक हरिवन ११ प्रगति टोल बस्ने ५० वर्षीय सूर्यबहादुर थापालाई प्रहरीले पक्राउ गरेको छ।
प्रकाशित: ५ चैत २०८२ १२:२४ | Thursday, March 19, 2026
प्रतिक्रिया
![‘हुनेखाने होइन, हुँदा खाने’ को खास प्रतिनिधि बनेर काम गर्नेछु : नारायणकाजी श्रेष्ठ [अन्तरवार्ता]](https://himalpress.com/wp-content/uploads/2026/03/nks.jpg)
