हिमाल प्रेस 
पोखरा- कास्कीमा ६० हजार मत खसिसकेको छ। बिहान साढे ११ बजेसम्म कास्कीमा ६० हजार ९३१ अर्थात् १९ दशमलब ७५ प्रतिशत मत खसेको हो।
प्रदेश निर्वाचन कार्यालय, पोखराका अनुसार तीमध्ये पुरुष ३१ हजार २६९ र महिला २९ हजार ६६१ जना तथा अन्य १ जनाले मतदानमा भाग लिएका हुन्।
कास्कीमा २ अस्थायीसहित कुल ३६५ मतदान केन्द्रमा शान्तिपूर्ण रुपमा मतदान भइरहेको जिल्ला प्रहरी कार्यालयले जनाएको छ।
यहाँ विभिन्न राजनीतिक दल तथा स्वतन्त्र गरी ४९ जना उम्मेदवार मैदानमा छन्। मतदाता संख्या कुल ३ लाख ८ हजार ५७२ जना छन्। तीमध्ये २ हजार ८६१ जना अस्थायी मतदाता हुन्।
प्रकाशित: २१ फागुन २०८२ १२:१२ | Thursday, March 5, 2026
प्रतिक्रिया
