हिमाल प्रेस 
काठमाडौँ- गोकर्णेश्वरमा मिनीटाटाको ठक्करबाट मोटरसाइकल चालकको मृत्यु भएको छ।
काठमाडौँको गोकर्णेश्वर नगरपालिका-२ नाम्गेल बसपार्क नजिक सडकमा बा ११ च ४७३८ नम्बरको मिनी टाटाले बा ८१ प ४५६ नम्बरको मोटरसाइकललाई ठक्कर दिँदा मोटरसाइकल चालक कागेश्वरी मनोहरा नगरपालिका-६ मूलपानी हाइट बस्ने ३० वर्षीय पवन तामाङको मृत्यु भएको हो।
दुर्घटनामा गम्भीर घाइते भएका तामाङको उपचारका क्रममा नेपाल मेडिकल कलेज अत्तरखेलमा बिहीबार मृत्यु भएको हो। मिनीटाटा चालकलाई प्रहरीले नियन्त्रणमा लिएको छ।
प्रकाशित: १५ फागुन २०८२ ६:१२ | Friday, February 27, 2026
प्रतिक्रिया
