हिमाल प्रेस 
काठमाडौँ। नेकपा एमालेका सचिव एवं भक्तपुर क्षेत्र नं २ का प्रतिनिधिसभा सदस्य उम्मेदवार महेश बस्नेतले आगामी निर्वाचनमा एमालेको सानदार मत आउने बताएका छन्। उनले उपत्यकाका १५ सिटमध्ये कम्तिमा १० सिट एमालेले जित्ने दाबी गरे। यसअघि एमालेले उपत्यकामा २ ठाउँ जितेको थियो। एमालेले काठमाडौँ ९ र ललितपुर २ मा जितेको थियो।
प्रेस चौतारी नेपालले आज काठमाडौंमा आयोजना गरेको ‘उम्मेदवारहरूसँग पत्रकार सम्मेलन’मा बोल्दै उनले काठमाडौँ उपत्यकाका मतदाताको मत हरेक पटक बदलिएको उल्लेख गर्दैभदौ २३ र २४ को घटनाले उपत्यकाका मतदाताले ‘देश जलाउने शक्ति’ चिनेको दाबी गरे। वर्तमान सरकार रास्वपा पक्षधर बनेर लोकतन्त्रवादी शक्तिमाथि आक्रमण गरिरहेको बताए।
प्रकाशित: २१ माघ २०८२ १३:४७ | Wednesday, February 4, 2026
प्रतिक्रिया
