हिमाल प्रेस 
काठमाडौँ– सिन्धुलीको तिनपाटन गाउँपालिका–३ कोल्वोटेकी ५३ वर्षीया टंकमाया बुढाथोकीको हत्यामा संलग्न रहेको अभियोगमा दुई जनालाई प्रहरीले पक्राउ गरेको छ।
जिल्ला प्रहरी कार्यालयका प्रहरी उपरीक्षक लालध्वज सुवेदीका अनुसार यही पुस ८ गते राति बुढाथोकीको हत्या भएको थियो। घटनामा संलग्न रहेको अभियोगमा तिनपाटन गाउँपालिका–३ का ३० वर्षीय दीपक भन्ने शान्तिबहादुर बुढाथोकी र २९ वर्षीय चुक्तबहादुर कटुवाललाई पक्राउ गरिएको हो।
जिल्ला अदालतबाट पाँच दिनको म्याद थप लिई थप अनुसन्धान अगाडि बढाइएको सुवेदीले जानकारी दिए।
प्रकाशित: २८ पुष २०८२ २०:५०
प्रतिक्रिया
