टेलिसिरियल ‘हाम्रो सम्बन्ध’ वैशाखदेखि प्रसारण

हिमाल प्रेस २२ चैत २०८१ १४:५९
40
SHARES
टेलिसिरियल ‘हाम्रो सम्बन्ध’ वैशाखदेखि प्रसारण

काठमाडौँ- प्रेम शर्मा पौडेलकाे निर्देशन र सम्पादनमा टेलिसिरियल ‘हाम्रो सम्बन्ध’ निर्माण  भएको छ।

सिरियलको केही भाग छायांकन भइसकेको निर्देशक पौडेलले बताए। उनका अनुसार सिरियल आगामी वर्ष वैशाखको पहिलो सातादेखि प्रसारण हुनेछ। मोसन पिक्चर्स युट्युब च्यानलमार्फत बेलुका ६ बजे प्रसारण गर्ने टिमको तयारी छ।

सिरियलकी निर्मात्री शारदा प्रधान (कोरेल) हुन्। उनले आफ्नो स्वर्गीय भाइ दिलिप प्रधानको सम्झनामा सिरियल निर्माण गरेकाे बताइन्। यसकाे प्रारम्भिक केही एपिसोड संयुक्त स्थापितले निर्देशन गरेको थिए भने पछिल्लो एपिसोड प्रेम शर्मा पौडेलले निर्देशन गर्दै आएका छन्।

सिरियलको छायांकन विजय बज्राचार्यले गरेका हुन्। सिरियल काठमाडौँको गागलफेदीमा छायांकन गरिएको छ। मालिक शाही (ज्याक्सन) ले सिरियलको पटकथा र संवाद लेखेका छन्। सामाजिक कथामा बनेको सिरियलमा पारिवारिक जीवनका उतारचढावलाई मुख्य कथावस्तुको रूपमा प्रस्तुत गरेको टिमले बताएको छ।

दक्षिणकाली इन्टरटेमेन्टको प्रस्तुतिमा बनेको सिरियलमा कलाकार शारदा प्रधान, चाहाना श्रेष्ठ, मालिक शाही (ज्याक्सन), सुमित्रा श्रेष्ठ, दिपेश बम्जन, ईश्वरी ठकुरी, शोभा सेढाई मगर, अनिल सापकोटा, वृन्दा जैरु, संगीत केसी, बिनु लामा, सुमन लामा र बाल कलाकारमा साजन लामा थिङ को अभिनय छ।

सिरियलको गीतमा जय देवकोटाको शब्द, संगीत र स्वर भरेका छन्। गीतमा गायिका कविता कुमारी श्रेष्ठको पनि स्वर छ।

प्रकाशित: २२ चैत २०८१ १४:५९

प्रतिक्रिया

Leave a Reply

Your email address will not be published. Required fields are marked *

four − 3 =


© Nepali horoscope

© Gold Price Nepal

© Nepal Exchange Rates
© Nepal weather forecast