आफ्नो अबको राजनीतिक बाटोबारे धारणा सार्वजनिक गर्दै रावल, बुधबार पत्रकार सम्मेलन

काठमाडौँ- पूर्वउपप्रधानमन्त्री डा. भीम रावलले अबको आफ्नो राजनीतिक यात्राका विषयमा जानकारी दिन बुधबार पत्रकार सम्मेलन गर्दैछन्।

नेकपा एमालेले निष्काशित गरेपछि पार्टीप्रतिको धारणा र अबको पाटोमा रावलले आज बुधबार सार्वजनिक गर्दैछन्। उनी निकट नेताहरूका अनुसार रावल नयाँ पार्टी बनाउने तयारीमा छन्। आजको कार्यक्रममा भने पूर्वपार्टी एमालेप्रतिको आफ्नो धारणा सार्वजनिक गर्ने कार्यक्रम छ। बुधबार रावलले पत्रकार सम्मेलन गर्दैछन्।

उनले आफ्ना कुराहरू राख्न र भाबी कार्ययोजना बारे जानकारी गराउन पत्रकार सम्मेलन गर्न लागेको उनीनिकट नेताले जानकारी दिए।

उनी शुभचिन्तक लगायत मानिस बोलाएर पत्रकार सम्मेलन गर्ने या मिडियालाई मात्र बोलाएर गर्ने भन्नेबारेमा मंगलबार मात्र निर्णय हुने बताइएको छ।