हिमाल प्रेस 
धनगढी– नेकपा एकीकृत समाजवादी सुदूरपश्चिम प्रदेशसभा संसदीय दलको नेतामा दीर्घ सोडारी चयन भएका छन्। शुक्रबार धनगढीमा बसेको पार्टी बैठकले सोडारीलाई दलको नेतामा चयन गरेको हो। सोडारी कैलाली ४ (क) बाट निर्वाचित हुन्।
बैठकले दलको उपनेतामा कञ्चनपुर ३ (क) बाट निर्वाचित प्रकाश रावललाई चयन गरेको छ। बाजुरा १ (क) बाट निर्वाचित नरेश शाहीलाई प्रमुख सचेतक र कञ्चनपुरकी समानुपातिक सांसद माया पन्तलाई सचेतक तोकेको छ। सुदूरपश्चिम प्रदेशसभामा नेकपा एसबाट ४ जना सांसद छन्।
प्रकाशित: १५ पुष २०७९ १७:३४ | Friday, December 30, 2022
प्रतिक्रिया
