हिमाल प्रेस 
काठमाडौँ- नवलपुर-मलंगवा सडक अन्तर्गत सर्लाहीको फरहदवामा ट्रयाक्टरसँग ठोक्किँदा मोटरसाइकल चालकको मृत्यु भएको छ।
हरिपुर नगरपालिका ३ फरहदवामा भएको दुर्घटनामा कविलासी नगरपालिका ७, का १९ वर्षीय चन्दन यादवको मृत्यु भएको हो। हरिपुरबाट गैरतर्फ बालुवा बोकेर जाँदै गरेको ज २ त ४५२ नम्बरको ट्र्याक्टरमा यादवले चलाएको बीआर ०५ एक्यू ८७५९ नम्बरको भारतीय मोटरसाइकल पछाडिबाट ठोक्किएको इलाका प्रहरी कार्यालय हरिपुरले जनाएको छ।
दुर्घटनालगत्तै उपचारका लागि प्रादेशिक अस्पताल मलंगवा पुर्याउँदा चिकित्सकले उनलाई मृत घोषणा गरेका हरिपुरका प्रहरी निरीक्षक रोमनराज अर्यालले जानकारी दिए। मृतक युवकको शव पोस्टमार्टमका लागि अस्पतालमा राखिएको छ।
दुर्घटनापछि फरार रहेका ट्याक्टर चालकको खोजी भइरहेको प्रहरीले जनाएको छ।
प्रकाशित: ९ पुष २०८१ ९:०३
प्रतिक्रिया
