संघीय संरचनाअनुसारको विधान बनाउँदै तरूण दल

काठमाडौँ- नेपाली कांग्रेसको भ्रातृ संगठन नेपाल तरूण दलको विधान संशोधन मस्यौदा समितिले अध्यक्ष विद्वान गुरुङलाई संशोधित मस्यौदा बुझाएको छ। कांग्रेसका संस्थापक नेता बीपी कोइरालको १११ औं जन्मजयन्तीको अवसर पारेर समितिले अध्यक्ष गुरुङलाई विधानको मस्यौदा बुझाएको हो।

तरूण दलको ०८० चैत्र १५ र १६ मा बसेको बैठकको निर्णयानुसार अध्यक्ष गुरूङले गत जेठ १८ गते विधान संशोधन मस्यौदा समिति गठन गरेका थिए। विधान मस्यौदा समितिले विभिन्न चरणमा मातृ पार्टीका नेताहरू र तरूण दलका पूर्वअध्यक्षहरूसँग राय–सुझाव लिएको थियो।

समितिले सनउ १९ देखि २२ गतेसम्म तरूण दलका केन्द्रीय सदस्य र जिल्ला अध्यक्षहरूमार्फत् पनि तरूणको राय संकलन गरेको केन्द्रीय सदस्यसमेत रहेका समितिका सदस्य लोकहरि पौडेलले जानकारी दिए।

उनका अनुसार तरूण दलले पहिलो पटक संघीय संरचनाअनुसारको विधान बनाउँदै छ। मुलुक संघीय संरचनामा गए पनि तरूण दलको विधान संघीय संरचनामा समेटिएको थिएन।

तरूण दलको विधानमा तीन तहको संघीय संरचनाभित्र ७ प्रकारका समिति राख्ने गरी मस्यौदा गरिएको पौडेलले जानकारी दिए। उनका अनुसार तरुण दलमा अब वडा समिति, पालिका समिति, प्रदेश सभा समिति, प्रतिनिधि सभा समिति र जिल्ला समिति, प्रदेश समिति र केन्द्रीय समिति रहने छन्।

प्रदेश अधिवेशन प्रतिनिधि :

प्रदेशसभा क्षेत्रीय समितिको अध्यक्ष र प्रदेशभित्रका गाउँपालिका र नगरपालिका अध्यक्षहरू पदेन प्रदेश अधिवेशन प्रतिनिधि हुनेछन्। प्रदेशसभा क्षेत्रबाट खुला २, महिला १, खस आर्य १, आदिवासी जनजाति १, मधेशी १, महिला १ सहित दलित २ र फरक क्षमता भएका/अलपसंख्यक/ सीमान्तकृत/ पिछडिएको वर्ग/पिछडिएको क्षेत्र/तेस्रोलिंगी/वेपत्ता परिवार/ विस्थापित परिवार/सहिद परिवार/ मुस्लिम/थारु १ गरि जम्मा ९ जना प्रदेश अधिवेशन प्रतिनिधि छनौट हुनेछन्।

दलको महाधिवेशन प्रतिनिधि र प्रदेश अधिवेशन प्रतिनिधि छैटौं महाधिवेशनबाट फरकफरक हुने व्यवस्था प्रस्ताव गरिएको पौडेलले बताए। तर, पाचौं महाधिवेशनमा धेरैभन्दा धेरै तरुण समेट्नुपर्ने र आधार तयार गर्नुपर्ने भएकाले आगामी अधिवेशनका लागि तरुण दलको केन्द्रीय समितिका सदस्य र महाधिवेशन प्रतिनिधिहरूले पनि प्रदेश अधिवेशनमा भाग लिन पाउने व्यवस्था गरिएको छ।

जिल्ला कार्यसमिति:

जिल्ला कार्यसमितिमा अध्यक्ष १, उपाध्यक्ष १ र सचिव १ निर्वाचित र जिल्ला अध्यक्षले उपाध्यक्ष १, सह–सचिव १ र कोषाध्यक्ष १ मनोनित गर्नेछ। विभिन्न समूहबाट १३ जना सदस्य र एक भन्दा बढी निर्वाचन क्षेत्र भएको जिल्लामा प्रत्येक क्षेत्रबाट १ महिला सहित २ सदस्य निर्वाचित हुने व्यवस्था प्रस्तावित छ। जिल्ला अध्यक्ष ५ जना सदस्य मनोनित गर्नेछ।

केन्द्रीय पार्षद :

जिल्ला अध्यक्ष, जिल्लाबाट निर्वाचित खुला २ र महिला १ केन्द्रीय पार्षद हुनेछन्।

महाधिवेशन प्रतिनिधि :

खुला २, समावेशी १ सहित महिला २, खस आर्य १, आदिवासी जनजाती १, मधेशी १, दलित १ र फरक क्षमता भएका/अलपसंख्यक/ सीमान्तकृत/ पिछडिएको वर्ग/पिछडिएको क्षेत्र/तेस्रोलिंगी/वेपत्ता परिवार/ विस्थापित परिवार/सहिद परिवार/ मुस्लिम/थारु १ गरि ९ जना जिल्लाबाट निर्वाचित हुनेछन्।
एक प्रतिनिधि सभा निर्वाचन क्षेत्र भएको जिल्लाको हकमा महिला १ र खुला १ महाधिवेशन प्रतिनिधि थप हुनेछन्। दुई वा दुईभन्दा बढी प्रतिनिधिसभा निर्वाचन क्षेत्र भएको जिल्लामा प्रत्येक क्षेत्रको क्षेत्रीय अध्यक्ष १ र खुला १ गरी २ जना महाधिवेशन प्रतिनिधि निर्वाचित हुनेछन्।
महानगर र उपमहानगर समितिका अध्यक्षहरूपनि महाधिवेशन प्रतिनिधि हुने व्यवस्था प्रस्ताव गरिएको छ।

प्रदेश कार्यसमिति :

तरुण दलको प्रदेश कार्यसमितिको संख्या भने प्रदेश अनुसार फरक–फरक हुनेछ। प्रदेश पदाधिकारीमा अध्यक्ष १, खुला १, महिला १ गरी ३ उपाध्यक्ष, महासचिव १ र सचिव २ निर्वाचित हुनेछन्। प्रदेश अध्यक्षले प्रदेश कार्यसमितिमा उपाध्यक्ष १, महासचिव १, सचिव १ र कोषाध्यक्ष १ मनोनित गर्नेछ।

केन्द्रीय समिति :

यसअघि तरूण दलको ९५ सदस्यीय केन्द्रीय समिति थियो। जसमा ६ पदाधिकारीको व्यवस्था रहेको थियो। अब तरुण दलको केन्द्रीय समिति ९९ सदस्यीय हुनेछ। जसमा १० जना पदाधिकारी हुनेछन्।

पदाधिकारीमा अध्यक्ष १, खुला १ र महिला १ गरी ३ उपाध्यक्ष, महासचिव १ र सचिव २ निर्वाचित हुनेछन् भने अध्यक्षले उपाध्यक्ष १, महासचिव १, सचिव १ र कोषाध्यक्ष १ मनोनित गर्ने प्रस्ताव राखिएको छ।

निर्वाचित सदस्य :

१७ खुला, महिला ९, प्रत्येक प्रदेशबाट कम्तिमा १ महिला सहित ३ जना हुनेगरी ७ प्रदेशबाट २१, खस आर्य कम्तिमा २ महिला सहित ६, आदिवासी जनजाति कम्तिमा २ महिला सहित ६, मधेशी कम्तिमा २ महिला सहित ५, दलित २ महिला सहित ५, थारू १ महिला सहित २, फरक क्षमता भएका/अलपसंख्यक/ तेस्रोलिंगी १, विस्थापित तथा सहिद परिवार १, वेपत्ता परिवार १, मुस्लिम १ / पिछडिएको क्षेत्र १

मनोनित सदस्य : केन्द्रीय कार्यसमितिको अध्यक्षले महाधिवेशन प्रतिनिधिहरूमध्येबाट १२ जना र राष्ट्रिय तथा अन्तराष्ट्रिय क्षेत्रमा विभिन्न विधामा ख्याति प्राप्त व्यक्तिहरूमध्येबाट ५ जना रहने व्यवस्था गरिएको छ