हिमाल प्रेस 
काठमाडौँ- आज प्रतिनिधिसभाको कृषि, सहकारी तथा प्राकृतिक श्रोत समितिको बैठक बस्दैछ। बैठक आज अपराह्न साढे ४ बजे सिंहदरबारमा बस्नेछ । बैठकमा समिति सभापतिको निर्वाचन हुनेछ ।
समिति सभापतिका लागि नेपाली कांग्रेसबाट सांसद कुसुम थापा मगरले उम्मेदवारी दर्ता गराएकी छिन् । यसअघिकी सभापति डा आरजु राणा देउवा परराष्ट्र मन्त्री बनेसँगै कृषि समितिको सभापति रिक्त रहेको थियो ।
सोमवार उम्मेदवारी दर्ता गराएकी थापा मगरको प्रस्तावक कांग्रेस सांसद वीरबहादुर बलायर र नेकपा एमालेका सूर्यप्रसाद ढकाल समर्थक रहेका छन् ।
प्रकाशित: १५ साउन २०८१ ९:१२
प्रतिक्रिया
