हिमाल प्रेस 
सांकेतिक तस्बिर।
काठमाडौँ- सुर्खेतमा खोलाले बगाएर एक बालिकाको मृत्यु भएको छ। सिम्ता गाउँपालिका वडा नम्बर ९ की ७ वर्षीया बालिका मनीषा बादीको मृत्यु भएको हो। सिम्ता खोलामा आएको खहरेले बगाउदा बालिकाको ज्यान गएको जिल्ला प्रहरी कार्यालय सुर्खेतले जनाएको छ। आमासँगै रहेकी मनीषालाई आइतबार दिउँसो ४ बजेतिर बगाएको थियो।
उनको शव तामाधारीनजिकै खोला किनारामा भेटिएको प्रहरीले जनाएको छ।
प्रकाशित: २४ असार २०८१ ७:४५
प्रतिक्रिया
