हिमाल प्रेस 
काठमाडौँ- प्रतिनिधिसभा सदस्य मञ्जु शर्मा अन्सारीको निधन भएको छ। उनको उपचारको क्रममा मिनभवनस्थित सिभिल अस्पतालमा निधन भएको हो। उनको आज बिहान ७ : ५५ मा मृत्यु भएको जनता समाजवादी पार्टीले जनाएको छ।
२०२० साल माघ १९ गते जन्मेकी अन्सारी २०७९ साल चैत १९ गते प्रतिनिधिसभा सदस्य थिइन्।
जसपाबाट समानुपातिक निर्वाचन प्रणालीबाट प्रतिनिधिसभा सदस्य पदमा निर्वाचित शहनाज रहमानको २०७९ फागुन १३ गते निधन भएपछि रिक्त रहेको स्थानमा उनी सांसद थिइन्।
सभामुख देवराज घिमिरे आज नै सिभिल अस्पतालमा पुगेर शोक प्रकट गरेका छन्।
२०४६ सालको आन्दोलन देखि राजनीतिक यात्रा सुरुवात गरेकी उनले सद्भावना पार्टीमा आबद्ध भई २०४६ साल देखि २०५६ सम्म उपत्यका महिला इन्चार्ज थिइन्। उनी हाल जनता समाजवादी पार्टी, नेपालको पोलिटब्यूरो सदस्य थिइन्।
प्रकाशित: ४ चैत २०८० ११:२६
प्रतिक्रिया
