अघि बढ्यो पीपीए, तत्काल एक हजार मेगावाट क्षमताका कम्पनीसँग सम्झौता

हिमाल प्रेस ३ मंसिर २०८३ १५:०३ | Thursday, November 19, 2026
अघि बढ्यो पीपीए, तत्काल एक हजार मेगावाट क्षमताका कम्पनीसँग सम्झौता

काठमाडौँ- नेपाल विद्युत् प्राधिकरणले नेपाल सरकारको स्वामित्वमा रहेका कम्पनीहरुसँग विद्युत् खरिद सम्झौता (पीपीए) अगाडि बढाएको छ। ऊर्जा, जलस्रोत तथा सिँचाइमन्त्री विराजभक्त श्रेष्ठकाे निर्देशनमा प्राधिकरणले करिब एक हजार मेगावाट क्षमताका विभिन्न सरकारी कम्पनीसँग पीपीए गर्न लागेको मन्त्रालयले बिहीबार जनाएको छ।

प्राधिकरणका सञ्चालक समिति सदस्य अंशुकिरण शाहीले सरकारी स्वामित्व भएका कम्पनीहरुसँग पीपीए गर्ने तयारी पूरा भएको जानकारी दिए। उनले यसै हप्ताभित्र प्राधिकरण बोर्डबाट निर्णय गरिने बताए।

सञ्चालक समिति सदस्य शाहीका अनुसार २१० मेगावाटको चैनपुर सेती, ७० मेगावाटको सिम्बुवा, ४३९ मेगावाटको बेतन कर्णाली, १२४ मेगावाटको जगदुल्ला ए, ३० मेगावाटको विद्युत उत्पादन कम्पनीको सोलार प्रोजेक्ट, ४५४ मेगावाटको किमाथांका, ७७ मेगावाटको चिलिमे सेतीलगायतका कम्पनीसँग विद्युत् खरिद सम्झौता गरिँदै छ।

पीपीए भएसँगै सरकारी कम्पनीले लगानी, पूर्वाधार निर्माण र विद्युत उत्पादन कार्यलाई तीव्रता दिनेछन्। उत्पादित बिजुली प्राधिकरणले खरिद गर्नेछ।

ऊर्जामन्त्री श्रेष्ठले सरकारी विद्युत् कम्पनीबाट राज्यभार थपिँदै गएकाले तत्काल पीपीए अगाडि बढाउन प्राधिकरणलाई निर्देशन दिए। उनले सरकारी कम्पनीका साथै निजी विद्युत् कम्पनीको पीपीए अगाडि बढाउन पनि निर्देशन दिइसकेका छन्।

प्रकाशित: ३ मंसिर २०८३ १५:०३ | Thursday, November 19, 2026

प्रतिक्रिया

Leave a Reply

Your email address will not be published. Required fields are marked *

sixteen + 14 =


© Nepali horoscope

© Gold Price Nepal

© Nepal Exchange Rates
© Nepal weather forecast