हिमाल प्रेस 
काठमाडौँ- राष्ट्रिय स्वतन्त्र पार्टी (रास्वपा) का सभापति रवि लामिछाने तीनदिने भ्रमणका लागि भारततर्फ प्रस्थान गरेका छन् ।
लामिछाने श्रीमती निकिता पौडेलसहित तीनदिने पारिवारिक तीर्थाटनका लागि भारत प्रस्थान गर्न विमानस्थल पुगेका हुन् ।
लामिछानेको निजी सचिवालयका अनुसार आज बिहान काठमाडौंबाट हवाईजहाजमा धनगढी प्रस्थान गरेका उनीहरु त्यहाँबाट भारततर्फ लाग्ने कार्यक्रम छ ।
भ्रमणका क्रममा भारतको उत्तराखण्डस्थित नैनीतालको कैंची धाम र आसामको गुवाहाटीस्थित कामाख्या मन्दिरमा सपरिवार पूजाअर्चना गर्ने कार्यक्रम तय भएको छ ।
निजी तथा पारिवारिक तीर्थाटन सम्पन्न गरी लामिछाने स्वदेश फर्किनेछन् ।
प्रकाशित: ६ कार्तिक २०८३ ८:३० | Friday, October 23, 2026
प्रतिक्रिया
