हिमाल प्रेस 
जनकपुरधाम- सिरहाको लक्ष्मीपुर पतारी गाउँपालिका-६ स्थित सलोखरी, दास टोलबाट तीन जनालाई पक्राउ गरिएको छ।
गएराति फूलबारीबाट गाउँतर्फ आउँदै गरेको अवस्थामा प्रहरीले पेस्तोल र म्याग्जिनसहित सिरहाको लहान नगरपालिका २२ निवासी २१ वर्षीय सञ्जय दास, २० वर्षीय गुरुदेव दास र लक्ष्मीपुर पतारी गाउँपालिका-६ निवासी २० वर्षीय सारबजित दासलाई पक्राउ गरिएको हो।
पक्राउ परेकाको थप अनुसन्धान भइरहेको जिल्ला प्रहरी कार्यालय सिरहाका प्रहरी नायब उपरीक्षक रमेशबहादुर पालले बताए।
प्रकाशित: २० साउन २०८३ १३:१५ | Wednesday, August 5, 2026
प्रतिक्रिया
