घट्यो सुनको भाउ, कतिमा हुँदैछ कारोबार?

काठमाडौँ- नेपाली बजारमा सोमबार सुनको मूल्य घट्दा चाँदीको भाउ बढेको छ ।

आइतबारको तुलनामा सोमबार छापावाल सुनको मूल्य तोलामा २०० रुपैयाँले घटेको नेपाल सुनचाँदी व्यवसायी महासंघले जनाएको छ । योसँगै सोमबार छापावाल सुनको मूल्य ३ लाख १ हजार ५०० रुपैयाँमा झरेको छ । यसअघि आइतबार सुनको मूल्य तोलामा २ हजार ८०० रुपैयाँले बढे ३ लाख १ हजार ७०० रुपैयाँ पुगेको थियो ।

यसैगरी, सोमबार चाँदीको मूल्य २५ रुपैयाँले बढेर ४ हजार ६७० रुपैयाँ पुगेको महासंघले जनाएको छ । आइतबार चाँदीको मूल्य ६५ रुपैयाँले बढेर ४ हजार ६४५ रुपैयाँ पुगेको थियो ।