हिमाल प्रेस 
काठमाडौँ- नेपाल शिक्षक महासंघले सरकारसमक्ष शिक्षक र विद्यालय कर्मचारीका समस्याबारे प्रश्न उठाउँदै तत्काल समाधान खोज्न आग्रह गरेको छ।
शुक्रबार मन्त्रालयमा दर्ता गरिएको ध्यानाकर्षण पत्रमा शिक्षकका सेवासुविधा, अस्थायी व्यवस्थापन, स्थानीय भत्ता, स्वास्थ्य सुविधा र पेसागत सम्मानका विषयमा सरकार संवेदनशील नभएको उल्लेख गरिएको छ।
महासंघका अध्यक्ष लक्ष्मीकिशोर सुवेदीले भने,‘शिक्षकका जायज मागप्रति सरकारले संवेदनशील बन्नैपर्छ।’
महासंघले ५४ बुँदे मागपत्र कार्यान्वयनका लागि २१ दिनको समयसीमा तोकेको छ र त्यसपछि आन्दोलनको बाटो रोज्न बाध्य हुने चेतावनी दिएको छ।
प्रकाशित: ७ भदौ २०८३ ११:४९ | Sunday, August 23, 2026
प्रतिक्रिया
