हिमाल प्रेस 
काठमाडौँ- नेपाली कांग्रेसका शीर्ष नेताहरूबीच पार्टीको आन्तरिक विवाद समाधान गर्ने उद्देश्यले भेटवार्ता भएको छ।
सभापति गगन थापा, उपसभापति विश्वप्रकाश शर्मा र निवर्तमान कार्यवाहक सभापति पूर्णबहादुर खड्काबीच बुधबार खड्काको निवास गल्फुटारमा भेटवार्ता भएको हो।
भेटमा विशेष महाधिवेशनपछि उत्पन्न विवाद र संगठनात्मक एकता मजबुत बनाउने विषयमा छलफल भएको बताइएको छ।
पछिल्लो समय विशेष महाधिवेशनपछि कांग्रेसभित्र नेतृत्व व्यवस्थापन र आन्तरिक समन्वयबारे असन्तुष्टि देखिँदै आएको छ।
यही पृष्ठभूमिमा शीर्ष नेताहरूबीच निरन्तर संवाद र सहमति खोज्ने प्रयास भइरहेको छ।
प्रकाशित: २३ वैशाख २०८३ १३:४५ | Wednesday, May 6, 2026
प्रतिक्रिया
