हिमाल प्रेस 
भियतनाम- उत्तरी भियतनाममा पहिरोले भ्यान पुरिँदा कम्तीमा सात जनाको मृत्यु भएको छ। हा जियाङ प्रान्तको बाक मी जिल्ला हुँदै गुडिरहेको १६ सिटे भ्यान बिहान ४ बजे पहिरोमा परेको हो।
उत्तरी भियतनाममा भारी वर्षा र बाढीपहिरोले पहाडी सडकमा यात्रालाई जोखिमपूर्ण बनाइरहेको छ। उद्धारकर्ताहरूले घटनास्थलबाट एक बालकसहित सात जनाको शव उद्धार गरेका छन्।
भ्यानमा सवार अन्य छ जना जीवित फेला परेको र उपचारका लागि नजिकैको अस्पतालमा लगिएको छ। उद्धारकर्ताहरूले बेपत्ता व्यक्तिहरूको खोजी गरिरहेका छन्। रासस/एएफपी
प्रकाशित: २९ असार २०८१ १७:२४
प्रतिक्रिया
