हिमाल प्रेस 
काठमाडौँ- नेपालमा एसोसिएसन अफ चार्टर्ड सर्टिफाइड एकाउन्टेन्सी (एसीसीए) कार्यक्रम प्रदान गर्ने कलेज सीसीए कलेज लेखा शिक्षाको क्षेत्रमा एक मार्गदर्शकको रूपमा चम्किरहेको छ। २००६ मा स्थापना भएदेखि आजसम्म कलेजले उपयुक्त वातावरण र पूर्वाधारका साथ नेपालमा गुणस्तरीय एसीसीए शिक्षा प्रदान गर्दै आइरहेको एक अग्रणी एसीसीए शैक्षिक हबको रूपमा स्थापित गरेको छ।
नेपालमा सर्टिफाइड कलेज अफ अकाउन्टेन्सी (सीसीए)ले नेपालमै पहिलो पटक आईएसओ सर्टिफिकेट प्राप्त कलेज एसीसीएको प्लाटिनम स्वीकृत लर्निङ पार्टनरको रूपमा प्रख्यात कलेज सीसीएले शैक्षिक बर्ष १ अप्रिल २०२३ देखि ३१ मार्च २०२४ सम्म आएपुग्दा नेपालमा सबैभन्दा धेरै संख्या एसीसीए विद्यार्थी दर्ताको साथै सबैभन्दा बढी सीबीई परीक्षाहरू सञ्चालन गर्न सफल भएको छ।
त्यसै गरी सबै सत्र-आधारित परीक्षाहरू व्यवस्थापन गर्न र एसीसीए परीक्षाहरूमा विश्व वरीयता होल्डरहरू उत्पादन पनि सफल हुनका साथै नेपालमा अन्य मान्यता प्राप्त लर्निङ पार्टनरहरूको बीचमा उच्चतम पास दर कायम गर्न सफल भएको बताइएको छ।
