हिमाल प्रेस 
काठमाडौँ- प्रधानमन्त्री पुष्पकमल दाहाल ‘प्रचण्ड’ले जितिया पर्वले समाजमा व्याप्त अन्धविश्वास र विभेदलाई अन्त्य गर्दै समानता, समृद्वि र सामाजिक न्यायसहितको समतामूलक समाज निर्माणमा सहयोग पुर्याउने बताएका छन्।
उनले सामाजिक सम्बन्धको सन्तुलन, आपसी सहकार्य, सद्भाव र सहिष्णुता कायम गर्न जितिया पर्वले महत्त्वपूर्ण भूमिका निर्वाह गर्ने विश्वास पनि व्यक्त गरेका छन्।
‘बहुजातीय, बहुसांस्कृतिक नेपाली समाजको पहिचानलाई आत्मसात् गरी सामाजिक–सांस्कृतिक सहिष्णुता र सद्भाव कायम गर्नु अपरिहार्य आवश्यकता भएको छ’, उनको शुभकामना सन्देशमा उल्लेख छ।
यसै अवसरमा दिएको सन्देशमा उपराष्ट्रपति रामसहायप्रसादयादवले जितियाजस्ता पर्वले नेपालीबीचको एकतालाई बढावा दिने बताएका छन्।
प्रकाशित: २० असोज २०८० ७:०२
प्रतिक्रिया
