हिमाल प्रेस 
बागलुङ– बागलुङको काठेखोला गाउँपालिका-३ धम्जाको रामचालुमा शनिबार राति जिप दुर्घटना हुँदा १ जनाको मृत्यु भएको छ। दुर्घटनामा २ जना घाइते भएका छन्।
जिल्ला सदरमुकाम बागलुङ बजारबाट धम्जातर्फ जाँदै गरेको ध. १ ज ७१९० नम्बरको जिप दुर्घटना हुँदा धम्जाका १८ वर्षीय विजय विकको विकको घटनास्थलमै मृत्यु भएको प्रहरीले जनाएको छ।
घाइते २ जनालाई उपचारका लागि बागलुङ सदरमुकाम ल्याइएको जिल्ला प्रहरी कार्यालय बागलुङका सूचना अधिकारी प्रहरी नायव उपरीक्षक (डीएसपी) मदन केसीले जानकारी दिए।
जिप करिब सडकबाट ५० मिटर तल खसेको बताइएको छ।
प्रकाशित: १० असार २०८० १०:०४
प्रतिक्रिया
