हिमाल प्रेस 
काठमाडौँ– प्रधानसेनापति प्रभुराम शर्मा र अमेरिकी उपसहायक विदेशमन्त्री अफ्रिन अख्तरबीच भेटवार्ता भएको छ। जंगीअड्डामा मंगलबार भएको भेटमा दुई पक्षीय हित तथा पारस्परिक सम्बन्धबारे छलफल भएको हो।
दुईपक्षीय भेटघाटले दुई देशबीच रहिआएको सम्बन्ध थप सुमधुर एवं प्रगाढ बनाउन मद्दत पुग्ने विश्वास लिइएको नेपाली सेनाले बताएको छ। संयुक्त राज्य अमेरिकाका दक्षिण तथा मध्यएसियाली मामिला ब्युरो हेर्ने उपसहायक विदेशमन्त्री अख्तर सोमबार नेपाल भ्रमणमा आएकी हुन्।
प्रकाशित: २ फागुन २०७९ १६:२९
प्रतिक्रिया
