हिमाल प्रेस 
सांकेतिक तस्बिर।
काठमाडौँ– टर्कीको राजधानी इस्तानबुलमा सोमबार बिहान भीडभाडको समयमा सार्वजनिक यातायातको बस र ट्राम ठोक्किँदा कम्तीमा १९ जना घाइते भएका छन्।
डेमिरोरेन समाचार एजेन्सीका अनुसार उक्त बस सहरको युरोपेली भागमा रहेको इयुपसुल्तान जिल्लास्थित रेलवे मार्ग पार गर्ने क्रममा दुर्घटना भएको हो। घटनास्थलमा एम्बुलेन्स र अग्निनियन्त्रकहरू उद्दारका निम्ति पुगेका छन्। घाइतेमध्ये चार जनाको अवस्था गम्भीर रहेको जनाइएको छ।
यात्रुले भरिएका बस र ट्राम आपसमा ठोक्किएका हुन्। दुर्घटनाले बसमा ठूलो क्षति पुर्याएको छ भने सो समयमा सडकमा गुडिरहेको एउटा अर्को गाडीमा समेत क्षति पुगेको छ।
दुर्घटनाको कारणबारे अनुसन्धान जारी रहेको बताइएको छ।
प्रकाशित: २० मंसिर २०७९ ६:१०
प्रतिक्रिया
