चुनावी समीक्षा गर्न माओवादीको पदाधिकारी बैठक बस्दै

काठमाडौँ- नेकपा माओवादी केन्द्रको पदाधिकारी बैठक आजलाई बोलाइएको छ। चुनावको समीक्षा गर्न दिँउसो ३ बजे बैठक बस्ने महासचिव देव गुरुङले जानकारी दिए।

बैठक पार्टी कार्यालय पेरिसडाँडामा बस्नेछ। अबको राजनीतिक अवस्था, सरकारमा सहभागिता र चुनावी गतिविधिका विषयमा छलफल हुने जनाइएको छ।

केही पदाधिकारीले चुनाव अघिबाटै पदाधिकारी बैठक माग गरेका थिए। आजको बैठकमा चुनावको समीक्षा हुँदै थप जिम्मेवारीका विषयमा छलफल हुने जनाइएको छ।